Rev 8 | Ndebele | STEP | Lapho selivule uphawu lwesikhombisa , kwaba khona ukuthula ezulwini okungaba yingxenye yehola.

Revelation of John 8

Ukukhaliswa kwempondo eziyisikhombisa

1 Lapho selivule ^a uphawu lwesikhombisa ^b, kwaba khona ukuthula ezulwini okungaba yingxenye yehola. 2 Ngasengibona ingilosi eziyisikhombisa ^c ezazimi phambi kukaNkulunkulu ^d, njalo kwanikelwa kizo impondo ^e eziyisikhombisa. 3 Kwasekufika enye ingilosi, yasisima elathini, ilomganu wegolide wokutshisela impepha ^f, yasiphiwa impepha enengi, ukuze iyinikele lemikhuleko ^{▼▼ iyinikele lemikhuleko: kumbe, iyengezelele emikhulekweni.} yabo bonke abangcwele ^h phezu kwelathi legolide eliphambi kwesihlalo sobukhosi ⁱ. 4 Lentuthu yempepha yenyuka lemikhuleko yabangcwele ^j esandleni sengilosi phambi kukaNkulunkulu ^k. 5 Ingilosi yasithatha umganu wokutshisela impepha ^l, yasiwugcwalisa ngomlilo ^m welathi ⁿ, yasiwuphosela emhlabeni ^o; kwasekusiba khona amazwi lemidumo lemibane ^p lokuzamazama komhlaba ^q.

6 Kwathi ingilosi eziyisikhombisa ezazilempondo eziyisikhombisa zazilungiselela ukuze zizikhalise.

7 Ingilosi yokuqala yasilukhalisa uphondo, kwasekusiba khona isiqhotho ^{r
,} ^s lomlilo kuhlanganiswe legazi ^t, kwasekuphoselwa emhlabeni ^u; lengxenye yesithathu ^v yezihlahla yatshiswa ^{w
,} ^x, labo bonke utshani obuluhlaza batshiswa ^y.

8 Ingilosi yesibili yasilukhalisa uphondo; kwasekuphoselwa olwandle okunjengentaba enkulu evutha umlilo ^{z
,} ^{aa
,} ^ab. Lengxenye yesithathu yolwandle ^ac yaba ligazi ^ad; 9 kwasekusifa ingxenye yesithathu yezidalwa eziselwandle ^ae ezilempilo ^af, lengxenye yesithathu yemikhumbi yachithwa ^ag.

10 Ingilosi yesithathu yasilukhalisa uphondo, kwasekusiwa ezulwini inkanyezi enkulu ^ah ibhebha njengesibane ^ai, yasiwela phezu kwengxenye yesithathu yemifula, laphezu kwemithombo yamanzi ^aj. 11 Lebizo lenkanyezi lalithiwa nguMhlonyane ^ak; lengxenye yesithathu yamanzi yaba ngumhlonyane, labantu abanengi bafa ngamanzi, ngoba ayenziwe ababa ^al.

12 Ingilosi yesine yasilukhalisa uphondo, kwasekutshaywa ingxenye yesithathu yelanga lengxenye yesithathu yenyanga lengxenye yesithathu yezinkanyezi ^am, ukuze kufiphazwe ingxenye yesithathu yazo, lengxenye yesithathu yemini ingakhanyi, lobusuku ngokunjalo.

13 Ngasengibona, ngasengisizwa ingilosi ^an eyodwa iphapha phakathi laphakathi kwezulu ^{ao
,} ^ap, isithi ngelizwi elikhulu: Maye, maye ^aq, maye kulabo ^ar abakhileyo emhlabeni ^{as
,} ^at, kumazwi aseleyo empondo zengilosi ezintathu esezizakhala!